sábado, 7 de mayo de 2011

ESQUERDA UNIDA (VIGO) PRESENTA O SEU PROGRAMA BÁSICO SOBRE SERVICIOS SOCIAIS

Rubén Pérez
O candidato de ESQUERDA UNIDA á alcaldía de Vigo Rubén Pérez e Mª Luisa Fernández, activista social e nº 6 da candidatura de EU presentaron hoxe o programa de EU de SERVICIOS SOCIAIS PÚBLICOS.

Para ESQUERDA UNIDA é o Concello de Vigo o que debe xestionar as políticas e servizos sociais prestados á cidadanía, xa que é a institución máis próxima á poboación. Por iso defende non só o traspaso de competencias ao concello dende a Xunta, senón tamén a descentralización e a liberación de recursos económicos cara a leste por parte da autonomía.

Desde o concello non se debe evitar o problema por non ter competencias en moitos casos e se que se debe investir gran parte do orzamento municipal para tratar servizos e asuntos sociais especialmente nesta época de crise que deixou desprotexida a gran parte da poboación.

Tras as reiterativas políticas neoliberais privatizadoras que sobre os Servizos Sociais practicáronse, a falta de orzamento e a dificultade na construción desde o nivel local de dereitos normalizados e lexislados debido á falta de competencias e á non descentralización administrativa, deixáronnos un sistema municipal de Servizos Sociais incapaz de dar solución integral os graves problemas de convergencia social existentes

Defendemos, recalcou Rubén Pérez uns servizos sociais que protexan ás e os cidadáns, especialmente a aqueles en risco de exclusión social, que promovan calidade de vida por encima da cobertura das necesidades básicas e que críticamente desvelen as raíces e as situacións de desigualdade que xera este sistema social e para iso ESQUERDA UNIDA propón un programa completo que ten tres propostas principias:

· Incrementar do orzamento municipal dos Servizos Sociais

· Creación inmediata dun CENTRO DE INSERCIÓN SOCIAL en Vigo a cargo de fondos do tres administracións e situado no edificio da GOTA DE LEITE

· Iniciar a planificación e desenvolvemento da rede pública de servizos sociais, combatendo firmemente os intentos de privatizar estes servizos e buscando vías para reverter as privatizacións xa executadas á xestión pública.

--
ESQUERDA UNIDA
Agrupación Local de Vigo

No hay comentarios: