Encuentro Equino, Salvemos Cotogrande

Encuentro Equino, Salvemos Cotogrande

Cotogrande o Monte de Cabral, un paraje de incalculable valor natural a las afueras de ‪Vigo‬, corre serios riesgos de ser destruida, a causa de la complicidad del alcalde de la ciudad, Abel Caballero, con la corporación británica ‪‎Eurofund‬.

El alcalde y la corporación quieren convertir el parque forestal en un macroproyecto comercial al que le pretenden llamar Porto Cabral.

Los argumentos de los partidarios de este despropósito no resisten el más mínimo análisis, son falacias y mentiras. Sostienen, por ejemplo, que sólo hay eucaliptos y esta teoría se desmonta a simple vista. Sus métodos son caciquiles, ya que pretenden obviar las opiniones de la mayoría de los vigueses y, en particular, las de la mayoría de los comuneros de Cabral.

Sábado 7 de junio todo el día,Encuentro Equino, Salvemos Cotogrande, (Cotogrande; Monte Cabral, (Vigo)

Convocatoria Abierta, contacto 

Videoclip: A de Ben Senmedo, grabado en Cotogrande.

x

Documental: SOS Comuneiros de Cabral

x

Iniciativa de : 15m conciencia social

www.15mconcienciasocial.piesnegros.org

26 xaneiro: Charla "A Renda Básica das Iguais"

Charla "A Renda Básica das Iguais" (a cargo da ODS-Coia e Baladre) o sábado 26 de xaneiro en XUNTAS (Centro Social Okupado Autoxestionado). 

A Renda Básica das Iguais é un instrumento que ten dous obxectivos: a curto prazo, redistribuír as rendas dos que máis teñen nesta sociedade para aquelas persoas que máis a necesitan; un segundo, de longo prazo, é o de transformar o sistema desde parámetros de equidade e xustiza social.

Vítimas do sistema, vítimas das administracións, vítimas da inxustiza"

Seguindo o camiño iniciado coa cadea humana celebrada en Coia o GAS (grupo axitacion social)  volve a saír á rúa. Da man da parroquia do Cristo da Victoria - Coia e coa xente da ODS de Coia. convocan un acto de rúa diante do concello de Vigo.

Baixo o lema "VÍTIMAS DO SISTEMA,VÍTIMAS DAS ADMINISTRACIÓNS, VÍTIMAS DA INXUSTIZA. Polo dereito a unha vida digna, polo dereito á nosa humanidade".

No acto representarese un cemiterio coas vítimas que os diferentes poderes van deixando. O acto será o mércores 19 de decembro a partires das 12h00 na praza do Rei (diante do concello de Vigo).

Ciclo de Cinema Anti-Consumista

Ciclo de Cinema Anti-Consumista en XUNTAS Centro Social Okupado Autoxestionado (Rúa do Carmen nº 1 -Vigo-), organizado pola CNT Vigo e o CSOA XUNTAS para este mes de Nadal.

Proxeccións documentais:

HOXE, ÁS 20.00 H: ¿POR QUÉ COMPRAMOS?
Documentario que analiza as tácticas do chamado "marketing sutil", que é utilizado polas grandes marcas para a creación de tendencias, aumentando enormemente o prezo final dos productos para o consumidor.

19 DE DECEMBRO ÁS 20.00 H: CONSUME HASTA MORIR.
Estímase que nunha grande cidade recibimos máis de 3000 impactos publicitarios cada día. Calquera medio publicitario que teña un mínimo de público é rentable para a publicidade. Apenas quedan espazos libres sen presión publicitaria; todo o sistema está baseado en que a xente consuma.

26 DE DECEMBRO ÁS 20.00 H: DE LA SERVIDUMBRE MODERNA.
O mesmo que os escravos da antiguedade, os servos da Idade Media e os obreiros das primeiras revolucións industriais, estamos hoxe en día en fronte dunha servidume moderna voluntaria e consentida. Compran mercadorías que os escravizan, buscan un traballo cada vez mellor que se lles otorga se amosan as súas dotes máis mansas.

25 novembro: Día Internacional contra a violencia machista

O domingo manifestación convocada pola Marcha Mundial das Mulleres en Vigo contra a violencia machista.

Ás 12.00 h. dende a farola de Urzáiz.

Marchamos polo dereito das mulleres a unha vida sen violencia.
Máis info feminismo: www.respetoeigualdad.com

O C.S.O.A. XuntAs a pleno rendemento

O C.S.O.A. XuntAs a pleno rendemento

Fai un mes recibiamos e difundiamos a noticia da ocupación dunha casa da cidade de Vigo que no pasado fora un centro de detencións e torturas, os okupas prometían converter esta casa nun centro social e de desobedencia civil e desenvolver todo tipo de actividades.

Só quince días despois xa organizaron un concerto e agora chéganos unha interesante lista de actividades.

Taller de reciclaxe de bicicletas: unha boa idea para coidar o medio-ambiente e aforrar diñeiro. Os xoves de 19 a 21 hs.

Taller de reciclaxe de computadores: para darlle polo cu á obsolescencia programada e aos mercenarios do software encarceado. Os luns de 19 a 21 hs.

Proxeccións: longas, curtas e documentais. Todos os mércores ás 20 hs.

Banco do tempo: para intercambiar bens e servizos sen utilizar o diñeiro propiedade da banca esclavizante. Todos os martes de 19 a 21 hs.

Taller de teatro: Todos os venres ás 21 hs.

Concertos: todos os sábados a partires das 17 hs. Este sábado no concerto tocarán: BEN SENMEDO, Psicofenomenostrópicos e Como sempre os de sempre. Este concerto, que tamén poderá seguirse en directo desde www.bensenmedo.com, en principio ía ser ás 17 hs. pero retrásase ás 19 hs. para poder asistir á manifestación en contra da austeridade capitalista.

17 outubro: Día Internacional contra a pobreza. A débeda dos gobernos é coas mulleres, non cos bancos

Hoxe: Día Internacional contra a pobreza. A débeda dos gobernos é coas mulleres, non coa banca. Marchamos por unha vida digna e sostíbel.
CONCENTRACIÓN-ACCIÓN, ÁS 6 DA TARDE, DIANTE DO MARCO (Vigo).

Nestes tempos de austeridade, constatamos con indignación o agravamento das condicións de vida das mulleres no noso continente, sobre todo no sur de Europa. A Europa do capital está a saquear as nosas vidas e os nosos dereitos, está a levar ás nosas sociedades a un estado de emerxencia no que somos as mulleres as principais afectadas tanto polos recortes como polas políticas conservadoras dos gobernos liberais que pretenden impoñer valores baseados na "volta ao fogar" e no modelo de familia nuclear contra o que tanto loitamos as feministas.

Nós, mulleres, sufrimos de xeito diferente os efectos das crises económicas e sociais porque nos atopamos situadas de xeito diferente nas xerarquías do poder económico, político, social, cultural e simbólico.

Os recortes na inversión de diñeiro público, como por exemplo nos servizos e equipamentos de apoio a menores e a persoas da terceira idade, ou a mercantilización do acceso á vivenda, dificultan en grande medida a autonomía das mulleres. Ademais, os recortes dos gastos sociais do estado presupoñen sempre un incremento de traballo doméstico e de coidados non remunerados (en xeral a cargo das mulleres), deste modo, as empresas dispoñen sempre dunha forza de traballo dispoñíbel en calquera momento, que se contrata en períodos de expansión e que se despide en tempos de crise.

O risco de agravamento da desigualdade nos usos do tempo de homes e de mulleres na familia é grande. Acentúase a idea, asumida xa de xeito cultural, de que as mulleres pertencen á esfera da reprodución e desvencéllase ao home da responsabilidade material e afectiva nestas cuestións do coidado da casa, d@s fill@s e das persoas maiores da familia. Todo isto vese aumentado polo pensamento neo-conservador e austero, que busca impor valores ao "regreso das mulleres ao fogar" coas políticas "familiaristas" e asistencialistas de submisión dos dereitos individuais a un modelo familiar único e exclusivo, o que dificulta o camiño emancipador das mulleres.

Nós, as mulleres, queremos controlar as nosas vidas e construír unha sociedade máis xusta, que remate co sistema capitalista e patriarcal e que nos permita vivir a nós e a tod@s unha vida digna.

Fonte: Marcha Mundial das Mulleres
Máis info feminismo: www.respetoeigualdad.piesnegros.org

Concentración Rede de Mulleres Veciñais contra os malos tratos

Concentración Rede de Mulleres Veciñais contra os Malos Tratos en Vigo.

A Rede de Mulleres Veciñais contra os Malos Tratos concentrouse xunto á xente o xoves no MARCO (Vigo), para denunciar os malos tratos e os asasinatos que sofren día a día miles de mulleres e nen@s.

Avancemos e rexeitemos os comportamentos violentos!
Defendamos o dereito a vivir en paz!

Vídeo da concentración

Manifestación Marcha Mundial das Mulleres en Vigo

Este 28 de Setembro a Coordenadora Galega da Marcha Mundial das Mulleres quere facer un chamamento a participar da manifestación que terá lugar en Vigo ás 20.00 h. e que percorrerá a cidade dende a praza da Farola de Urzáiz ao Edificio Administrativo da Xunta de Galicia. Manifestación convocada pola suma de forzas do movemento feminista da Galiza en coordenación co movemento estatal.

A Marcha Mundial ven realizando durante os meses de agosto e setembro convocatorias de concentracións todos os martes ás 20.30 h. como parte dunha campaña de resposta na rúa ás ameazas do goberno do Partido Popular que quere modificar a actual lei do aborto para retroceder nos dereitos das mulleres. Dende a Marcha chamamos a participar nesta manifestación do 28 de setembro como punto de chegada desta campaña de resposta na rúa e punto de partida para as accións que desenvolveremos dentro da Campaña Europea que comezará o 4 de Outubro de forma simultánea en máis de 10 países europeos.

Sumemos esforzos para loitar polos nosos dereitos, este 28 de setembro o feminismo na Galiza liderando a loita polos dereitos das mulleres no noso país convoca a todas aquelas mulleres que no estado español, e no mundo, sairán ás rúas para defender o noso #dereitoadecidir e o #abortolibre.

 Venres 28 de setembro

Vigo, dende a Farola de Urzáiz

20.00 h

Manifestación!!

Xornadas: 1972: "SEMENTE DE VENCER". 40 aniversario da Folga Xeral Revolucionaria de Vigo, Galiza

xornadas:  1972: "SEMENTE DE VENCER". Con motivo do 40 aniversario da Folga Xeral Revolucionaria de Vigo-Galiza.

PROGRAMA:

--Día 21 de Setembro ás 20:30hs no Instituto Santa Irene. Vigo-Galiza

Apresentación da Xornadas. Intervención do historiador e membo da Comisión “Memoria do 72”: ISIDRO ROMÁN LAGO. Intervención dalgúns dirixentes obreiros da Folga de 1

972 en Vigo.

--Día 28 de Setembro ás 20:30hs no Instituto Santa Irene - Vigo

Mesa Redonda e xornada de debate sobre a Folga Xeral
Revolucionaria de 1972 e o devir do Movimento obreiro e
sindical vigués e galego. Intervirán dirixentes obreiros históricos e estudosos deste movimento

--Día 29 de Setembro
Ás 19:30hs: Acto no C.S Bou Eva de Vigo, organizado polos companheiros deste Centro Social:

Palestra sobre a o movemento do 72 e umha especial semblanza de Abelardo Collazo Araujo, dirixente da Folga

Ás 21: 30hs: no L.S Faísca de Vigo
Cea de convivio e homenaxe ao 72

40 aniversario da Folga (ou greve) Xeral Revolucionaria de 1972. 
Información tirada do DIPTICO INFORMATIVO

1972: "Semente de Vencer!”

O nove de setembro de 1972, sábado, proxectábase no cine Tamberlick "con éxito arrollador" unha película de Terence Hill y Bud Spencer, "Le llamaban Trinidad". Ante
s de que comezará a última sesión, as 10:45 da noite, a quenda de tarde de Citröen Hispania decidía, en asemblea celebrada nas portas da factoría non entrar a traballar en protesta pola falla de acordo sobre o convenio colectivo e para apoiar a plataforma reivindicativa elaborada pola Comisión Obreira da fábrica. A reacción da empresa non se fixo agardar e inmediatamente, esa mesma tarde, despedía a nove traballadores.

Estes feitos son o inicio da máis potente mobilización obreira na comarca viguesa dende a Guerra do 36. Quince días de Folga Xeral que situaron a Vigo no epicentro da conflictividade obreira no conxunto do Estado español.

Corenta anos despois a súa repercusión historiográfica está moi lonxe da importancia cuantitativa e cualitativa dos sucesos. Máis tamén están esquecidos nas nebulosas do tempo os seus actores directos (ou cando menos algúns dos máis importantes). É a necesidade da reparación deste esquecemento un dos motivos que nos levaron a poñernos mans a obra neste proxecto que agora ben de comezar.

Dende o noso punto de vista na folga de 1972 cristalizan en Vigo todas as experiencias de loita, de debate interno, de agrupamento e segregación que o movemento obreiro vigués viña de desenvolver dende 1962. Isto é, os sucesivos episodios de mobilización e reagrupamento desembocan na gran mobilización de 1972. Culmina así culmina un proceso de mobilización intenso que se caracteriza fundamentalmente pola solidariedade de clase e por unha práctica de loita obreira e sindical de base e asemblearia (coas limitacións evidentes que impuña a represión da Dictadura Franquista).

Pero nos tamén pensamos que a importancia desta loita non é tan só unha cuestión histórica, senón que nestes momentos de gravísimos ataques á clase traballadora, na memoria daqueles sucesos están presentes cuestións totalmente actuais: a autoorganización obreira, os límites da solidariedade, a creación da consciencia de clase, a mobilización como arma de resistencia pero tamén ofensiva, o papel das cúpulas sindicais..

Hoxe que para moitos é case impensable a posibilidade dunha folga xeral exitosa de 48 horas e o momento de lembrar, analizar e aprender como hai 40 anos, baixo unha dictadura fascista, a clase obreira da nosa comarca organizou unha folga xeral de 440 horas.

Afectados preferentes: Novas accións protesta

Para conseguir que a súa causa teña máis impacto fóra de España, os afectados polas participacións preferentes de Vigo-Valmiñor preparan unha acción de protesta para o próximo 6 de setembro no porto olívico, día no que recalarán na cidade tres transatlánticos cuns 10400 pasaxeiros. Por elo, achegaranse ao peirao de cruceiros vigués para levar a cabo unha concentración con pancartas e lemas en inglés.

Ademais, como xa anunciaran, aproveitarán o paso de La Vuelta ciclista por Vigo e a súa comarca (o martes 28 de agosto, perto das 13.00 h., no Alto de San Cosme, Zamans) para facer visibles as súas demandas. Non obstante, José Manuel Estévez (portavoz da Plataforma de Afectados polas Participacións Preferentes e Subordinadas de Vigo-Val Miñor) quixo 'dejar claro' que os afectados non teñen pensado 'ni molestar ni interferir' o desenvolvemento normal da carreira ciclista.

Reivindicando unha educación crítica: Proxección-Debate no Auditorio do Concello de Vigo

Reivindicando unha educación crítica: Proxección-Debate no Auditorio do Concello de Vigo.

"A educación está agardando a que a deixemos actuar, non a prohibamos... liberémola".

"Aprendiendo en la Tribu" é un grupo de traballo formado por profesorado de distintas áreas e etapas. Na busca de diversas realidades educativas, colaboramos na difusión da película-documental e o seu proxecto LA EDUCACIÓN PROHIBIDA, que comezou na América Latina por iniciativa da mocidade, concretamente dun grupo de estudantes da área da comunicación audiovisual que está convencido de que unha educación consciente e de calidade é un factor fundamental no desenvolvemento dun mundo mellor.

Nesta idea, comezaron unha busca de profesionais e especialistas na área da educación, pedagoxía e desenvolvemento humano, co obxectivo de coñecer en profundidade as diferentes propostas educativas que desafiaron a estrutura tradicional da escolarización como a coñecemos comunmente.

Por este motivo, convidámosvos a asistirdes á súa estrea mundial o próximo 13 de agosto ás 18:00 horas, con entrada gratuíta, no Auditorio Municipal do Concello de Vigo (Pza do Rei, n.º1, Vigo).

Esperamos contar coa vosa presenza e así potenciar o diálogo de toda a sociedade co fin de camiñar xuntos cara a unha educación crítica, de calidade e para todas e todos.

Grazas de antemán polo voso apoio,

Susana
APRENDIENDO EN LA TRIBU.

Trailer do documental


Web oficial: http://www.educacionprohibida.com/
Proxección en Vigo: http://proyecciones.educacionprohibida.com/

Proxeccións en Vigo do documental "Calle del Acuerdo 8 el patio"

O equipo técnico no final da rodaxe, foto do blog do documental

No mítico barrio madrileño de Malasaña, existe un edificio que no seu día albergou o colexio de monxas Luz Casanova e que Cáritas, decide vender por un prezo irrisorio, a un sinistro personaxe salpicado polas diversas tramas de corrupción que asedian ao Partido Popular madrileño.

Condenado  á especulación este edificio, esperando quizais que cambie o plan urbanístico que encadra o número oito da "Calle del Acuerdo, como dotación social, decide abandonalo durante practicamente dez anos, tempo no cal, a mediados do 2007, un grupo de persoas deciden liberalo e cedelo así a un barrio carente de alternativas lúdico sociais, creando entón, o centro social okupado autoxestionado e polivalente patio marabillas.

Durante dous anos e medio, ese edificio abandonado a ningunha sorte, encher de vida, de soños, de gañas, de ilusión. Nas súas aulas outrora parque temático para as ratas, con ás ou non, créase un taller de bicicletas, un hamlab, unha cafeteiría onde poder charlar e tomarse algo a un prezo razoable, un coro, sesións de cinema, unha oficina de dereitos sociais, clases de idiomas, un mesón, unha tele, unha radio, salas onde poder reunirse sen pagar por iso, unha cabina telefónica gratuíta conectada a internet, mil talleres e sobre todo un patio.

Para os que non viviron, nin sentiron un lugar así e para os que si, teñen a oportunidade de gozar do documental "Calle del Acuerdo 8 el patio", un documental onde os veciños e usuarios do patio marabillas, contan a sinerxia que estes tiñan con tal singular lugar.

O documental  "Calle del Acuerdo 8 el patio" , está realizado de maneira autoxestionada e auto-organizada, coa colaboración dun nutrido grupo de profesionais que realizaron o seu traballo dunha maneira non remunerada durante a produción e post-produción.

O documental poderá verse en Vigo esta Sexta-feira no L.S faísca, Rúa Toledo 9 as 20:30hs e o sábado en L.S Revolta, rúa Real 12 á mesma hora.

Trailer

Blog do documental.

Pitada en Vigo contra o rescate á banca

Ás 18.30 h., en Praza América haberá, todos os mércores, pitada contra o rescate á banca, o medicamentazo, os recortes,...
Tamén se habilitarán mesas informativas e BEN SENMEDO tocará na rúa.

Únete!! Toma a praza!!

Pitada contra o rescate á banca, xuño-xullo 2012

Carreira de zombies en Vigo!!

O 29 de xullo terá lugar en Vigo a Carreira dos Zombies.

Exportada esta de EE.UU. e realizada xa con grande éxito en Madrid e Barcelona. Mextura o deporte co frikismo e, agora, chega á cidade olívica para consolidarse como outro éxito.

- Data: domingo, 29 de xullo de 2012.

- Hora: 11.00 (sesión de mañá).
- Lugar: Pesadelo en Coruxo.
- Distancia: 5 Km.
- Inscripcións: online, desde Ticketea.com
- Prezo: 15 euros (zombies) ou 25 euros (runners).
- Recollida de dorsais: pendente de confirmación.
- Máis información: Web oficial, facebook e Mitwiz

Concerto Solidario pola Marcha Mundial das Mulleres

Concerto Solidario pola Marcha Mundial das Mulleres.

Pola autoxestión do próximo campamento na Romanía.

O 12 de xullo ás 22.00 h. en O Torreiro da Festa (Rogelio Abalde 16, Vigo).
Recitais de poesía: Silvia Penas, Elvira Riveiro.
Concertos: Alba, Wóyza.
Sesión...

Entrada: 3 €

Actividades Asociación SerHacer Vigo

Próximas actividades xullo e 10 de agosto.

Palestras.
Mércores 11, 20.00 h: "El cuento de tu vida" Ponente: Hilda Iglesias. 
Mércores 18, 20.00 h: "La auto-observación" Ponente: Rabin Metha.
Martes 24, 20.00 h: "Cambia de papel" ONG: Implicadas no desenvolvemento.
Sábado 28, 20.00 h: "Charla concierto de Djembé" Ponente: Jorge César Pérez Mestre (director artístico de Omar Percussion Group).

Concerto.
Xoves 12, 20.00 h: "Pasión y Sentimiento...". Ravin & Huerga.

Talleres.
Sábado e domingo 14 e 15: "Coaching con arte": "El cuadro que nos representa". Impartido por Reina D´Hoore (coach certificada polo Instituto Europeo de coaching, con formación artística -pictórica, teatral, danza- e en creatividade, formouse con Jean-Claude Garoute, Tiga, en Haití en 1996-97).
Sábado 21: "Círculo de tambor y danza". Impartido por maría Margarida Barros.
Sábado e domingo 28 e 29: "Teoría del color de Goethe. Una observación distinta de la naturaleza: El círculo cromático". Impartido por Marisa Macías.

Curso.
Venres 13 e 27 de xullo e 10 de agosto de 19.30 a 22.30: "Iniciación a la bioenergética: Enraizamiento y emociones". Impartido por Xexús X. Rico Vedea.

Na sede de SerHacer, Praza Santa Rita 3, baixo.
Teléfono: 986.431.331
Máis info: www.serhacer.com

A Asociación SerHacer é un proxecto de todos e para todos, únete e participa de forma activa na medida que sintas cal poida ser a túa contribución.

IV Encontro da Rede de Hortas de Vigo

IV Encontro da Rede de Hortas de Vigo.

Sábado 30 de xuño.
Na horta do Barrio do Cura. Entrada polo arco de Santa Marta, esquina Torrecedeira.

12.30 h. Presentación da horta do barrio do Cura.
13.00 h. Xuntanza da Rede de hortas.
14.00 h. Xantar colectivo.
16.30 h. Obradoiro: Tratamentos naturais fronte a plagas e enfermidades na horta (a cargo dun productor ecolóxico).

Contacto: redehortasvigo@yahoo.com  ou  cascokupa@hotmail.com 

Esta próxima fin de semana colectivos de toda España tomarán as rúas

Esta próxima fin de semana colectivos de toda España tomarán as rúas. Dende Sevilla ata Barcelona, dende Madrid ata Vigo, a xente está a se erguer para reclamar os seus dereitos e esixir que os gobernos xestionen para a cidadanía, e que deixen de protexer a bancos e multinacionais, causantes dunha crise que nos obrigan a pagar ao resto.

De novo, o momento de unirnos chegou, nunha chamada de atención masiva, a escala nacional. O partido gobernante, incumprindo as súas propias promesas electorais, actúa en beneficio duns poucos poderosos, desoíndo a vontade da maioría, sen importarlles o máis mínimo a repercusión dunhas decisións que provocan a desigualdade e a quebra social. 

En Vigo, atoparémonos fronte á casa do Concello, o domingo 17 ás 18:00h para realizar una marcha que fará un percorrido por Venezuela, Gran Vía, Urzaiz ata o farol de Príncipe baixo o lema “NON É UN RESCATE, É UNHA ESTAFA”.

Hai que pór fin a esta intolerable situación. Cunha soa voz faremos saber ás cúpulas políticas, e ás elites financeiras ás que serven, que agora, nós, as persoas, reclamamos o que nos pertence por natureza: o poder de decisión sobre o noso futuro. Non somos mercadoría en mans de políticos e banqueiros.

A través desta marcha reclamaremos o noso dereito a participar activamente na vida democrática do noso país, da nosa cidade, da nosa comunidade. Para isto esiximos que esta medida unilateral, imposta por un goberno deslexitimado polas súas falsedades e incongruencias, sexa refrendada por toda a cidadanía vía REFERENDO VINCULANTE de xeito inmediato. 

Manifestarémonos pacificamente, debateremos e nos organizaremos, con determinación, ata conseguilo. Volve ser a hora de que nos unamos. É hora de que nos escoiten. Tomamos a rúa o 17 de xuño!

Concentración de apoio ao saharauí en folga de fame

Concentración de apoio ao saharauí en folga de fame.

Chamamento a toda a cidadanía para mostrar o noso apoio  ao saharauí Lafkir Kaziza  saharauí de  22 anos que cumprirá o venres unha semana de folga de fame. En Vigo a concentración será o sábado 9 de xuño ás 19hs na farola


COMUNICADO

O pasado 1 de xuño o saharauí Lafkir Kaziza comezou unha folga de fame indefinida nas inmediacións da Embaixada de Marrocos en Madrid. Con ela, esixe un xuízo xusto ou a liberación para os presos saharauís que foron encarceados tralo brutal desmantelamento do campamento de Gdeim Izik en decembro de 2010. Desde as nosas organizacións, queremos manifestar o noso apoio ás súas reivindicacións e por iso facemos un chamamento ao Goberno de Marrocos a que libere a estes presos ou lles garanta un xuízo civil, con todas as garantías procesuais e xurídicas e con observadores internacionais, para estes presos. Do mesmo xeito, esiximos ao Goberno español, responsable legal do que ocorra no Sahara Occidental, ao ser recoñecido o Estado español pola legalidade internacional como potencia administradora do territorio, a que presione por todos os medios diplomáticos posibles ao Estado marroquí para que se cumpran estas esixencias.



• Coordinadora Estatal de Asociaciones Solidarias con el Sáhara (CEAS)
• SáharaThawra,
• Saharalibre.es
• Plataforma de Apoyo Político al Pueblo Saharaui (PAPPS)
• Western Sahara Resource Watch (WSRW)

Evento en facebook :(  de la concentración en Vigo https://www.facebook.com/events/338114409591711/