miércoles, 31 de diciembre de 2008

Fotos das concetraçons por palestina en vigo o 30 Dezembro



Fotos das concetraçons por palestina en vigo o 30 Dezembro

venres 2 de Xaneiro-Concentración en repulsa contra a masacre humana en Gaza

Faga klic sobre o cartaz para velo mais grande
Concentración o próximo venres 2 de Xaneiro de 2009 ás 20h diante do Museo de Arte Contemporánea (MARCO) en repulsa contra a masacre humana en Gaza.
Coordenadora Nacional Galega
Marcha Mundial das Mulheres
Marcha Mundial das Mulleres
Rúa Romil, 20, baixo
36202 Vigo-Galiza
CIF G-15773013
Teléfonos de contacto:
Coord. Nacional: 671695968/637817745
Coord. Ferrol: 658432609/652201003
Coord. Pontevedra: 669794462
Coord. Vigo: 657825556/667531529
www.feminismo.info

Axúdanos a pedir ás autoridades israelís a que poñan fin aos ataques desproporcionados e ilexítimos sobre a Franxa de Gaza

Os bombardeos das forzas israelís dos Territorios Palestinos Ocupados e o lanzamento de proxectís cara Israel por parte de grupos armados palestinos provocou unha escalada de violencia en Israel e os Territorios Ocupados na que xa se contabilizan centos de vítimas.

Unha familia palestina fuxe dun ataque israelí con mísiles a un edificio no campamento de refuxiados de Rafah, no sur da Franxa de Gaza, o domingo 28 de decembro de 2008. © AP Photo/MaanImages, Hatem Omar

Os mortos e feridos causados polo bombardeo israelí da Franxa de Gaza suman o maior número de vítimas palestinas habidas en catro décadas de ocupación israelí.

A escalada de violencia prodúcese nun momento no que a poboación civil libra una loita diaria pola supervivencia debido ao bloqueo israelí, que impide que entren en Gaza mesmo alimentos e menciñas. Os civís palestinos continúan expostos a morrer ou a resultar feridos en ataques e carecen cada vez máis da debida atención médica, alimentos, mediciñas, electricidade, auga e outros produtos e servizos indispensables.

Como consecuencia do bloqueo israelí, o recente alto o fogo que mantiveron durante cinco meses e medio Israel e Hamás e os demais grupos armados palestinos de Gaza non supuxo apenas ningunha mellora para a vida dos habitantes do territorio. O alto o fogo rematou na práctica cando, o 4 de novembro, as forzas armadas israelís mataron a seis radicais palestinos en Gaza e os grupos armados palestinos lanzaron un aluvión de proxectís contra cidades e pobos do sur de Israel. Amnistía Internacional condena todas estas mortes e considera que os abusos dunha parte, por graves que sexan, non poden xustificar xamais os do outro.

Cifras. Con este último ataque israelí, o número de palestinos mortos a mans das forzas israelís en 2008 ascende a uns 700, polo menos un tercio deles eran civís desarmados, incluídos 70 nenos. No mesmo periodo, os grupos armados palestinos mataron a 25 israelís, 16 deles civís, incluídos 4 nenos. Nos últimos oito anos, a violencia entre palestinos e israelíes cobrouse a vida duns 5.000 palestinos e 1.100 israelís. A maioría das vítimas de ambos bandos foron civís desarmados, incluídos uns 900 nenos palestinos e 120 israelís.

Axúdanos a pedir ás autoridades israelís a que poñan inmediatamente fin aos ataques desproporcionados e ilexítimos sobre a Franxa de Gaza, de zonas residenciais altamente poboadas, que permitan o acceso da axuda humanitaria e o acceso de testemuñas imparciais á zona.

Axúdanos a pedir ás autoridades israelís a que poñan inmediatamente fin aos ataques desproporcionados e ilexítimos sobre a Franxa de Gaza, de zonas residenciais altamente poboadas.
Actúa!
http://www.es.amnesty.org/actua/acciones/israel-y-los-territorios-palestinos-ocupados-protejan-a-la-poblacion-civil/

martes, 30 de diciembre de 2008

3ª Feira 30 Dezembro concentraçom Denuncia o genocídio palestino

Os colectivos convocantes expresan a súa consternación ante a masacre da poboación Palestina da Franxa de Gaza e repudia os ataques das forzas militares israelís, as cales perseguen o propósito de reactivar o conflito que as autoridades de Israel e Estados Unidos negáronse a solucionar durante décadas.

Denunciamos unha vez máis a intromisión de Estados Unidos en contra da paz entre os pobos de Palestina e Israel, en función de contar cun estado agresor en tan delicada zona.

Chamamos a deter inmediatamente os ataques, retomar a tregua, iniciar urxentes negociacións e adoptar medidas humanitarias a favor da poboación de Gaza.

Esiximos da comunidade internacional a máis dura condena á política de xenocidio e exterminio de Israel contra o pobo palestino.

SOLIDARIEDADE CON PALESTINA!!
PAREMOS O GENOCÍDIO!!
OS NOSSOS GOVERNANTES SOM CÓMPLICES!!

VIGO 3ª Feira 30 Dezembro diante do Marco as 8:30 da tarde

viernes, 26 de diciembre de 2008

Última semana para visitar a exposición de ‘SUSO FANDIÑO’

O MARCO, Museo de Arte Contemporánea de Vigo, lémbralle que a semana que vén é a última na que permanecerá aberta ao público a exposición de SUSO FANDIÑO, que se clausura o domingo 4 de xaneiro.

Na súa proposta para o Espazo Anexo do MARCO, SUSO FANDIÑO (Santiago de Compostela, 1971) traballou a partir do contexto próximo, e dos elementos que os cidadáns identifican co seu ámbito. A fábrica que PSA Peugeot Citroën posúe en Vigo é, sen dúbida, un deses símbolos sen os cales non se entende a cidade. A partir de aquí, Fandiño desenvolveu un proxecto baseado na marca Citroën e no modelo C4 Picasso. Un proxecto que se relaciona coa liña apropiacionista que caracteriza o seu traballo, á que el se refire como ‘revisionista’ ou ‘transfiguracionista’, neste caso baseándose na linguaxe e na imaxe dunha sinatura.

Dous coches brancos sustentados nun muro, simétricos, levitando sobre o chan, a un metro de altura e en perfecto estado, forman parte dunha instalación artística, irónica e directa. Devólvennos a Marcel Duchamp e o desprazamento da función dos obxectos descontextualizados, pero tamén nos falan da paisaxe urbana e do tempo, un instante detido representado e convertido en ficción nun contexto artístico. O modelo elixido, o C4 Picasso de Citroën, é relevante por tratarse dun coche fabricado en Vigo que incorpora, ademais, un elemento que amplía o seu significado. Se o urinario de Duchamp incluía a sinatura de R. Mutt –un artista inexistente, froito da imaxinación do artista e do seu gusto polos xogos de palabras–, o C4 Picasso contén a doutro dos autores incuestionables do século XX. A sinatura convértese no leit-motiv dun proxecto que tamén nos invita a reflexionar sobre a recontextualización da obra e do artista, de Duchamp a Picasso, no ámbito do Vigo contemporáneo e industrial.

Información

‘SUSO FANDIÑO’

    • Datas: 24 outubro 2008 - 4 xaneiro 2009
    • Lugar: Espazo Anexo
    • Horario: martes a sábados de 11.00 a 14.00 e de 17.00 a 21.00; domingos de 11.00 a 14.00
    • Coprodución: MARCO, Museo de Arte Contemporánea de Vigo
    • Coa colaboración de PSA Peugeot Citroën, na celebración do 50º aniversario do Centro de Vigo
    • Comisarios: Iñaki Martínez Antelo e Agar Ledo Arias


MARCO, Museo de Arte Contemporánea de Vigo

R/ Príncipe nº 54

36202 Vigo

Tel. +34 986 11 39 08 /11 39 03 / 11 39 00

Fax.+34 986 11 39 01

www.marcovigo.com

Un ano despois da Lei de "Memoria Histórica", as vítimas da Guerra Civil e o Franquismo teñen pouco que celebrar

España mantén o incumprimento das súas obrigacións internacionais en materia de verdade, xustiza e reparación

AI pedirá á Xunta que a exhumación de foxas se faga nun contexto xudicial e garanta a súa compatibilidade coa obriga de investigar xudicialmente crimes contra a humanidade


Vigo.- Un ano despois da adopción da "Lei pola que se recoñecen e amplían dereitos e se establecen medidas a favor de quen padeceron persecución ou violencia durante a guerra civil e a ditadura", chamada Lei de "Memoria Histórica", Amnistía Internacional (AI) expresa a súa decepción e preocupación pola resposta do Estado español aos dereitos das vítimas.
"Ata o de agora, esta Lei desenvolveuse parcialmente, con lentitude, utilizouse para opoñerse á investigación xudicial de crimes contra a humanidade e non achegou ao Estado español ao cumprimento das súas obrigacións internacionais coa verdade, a xustiza e a reparación das vítimas do franquismo e a guerra civil", declarou Alberto Estévez, voceiro de AI en Galicia.

Cando se adoptou esta Lei hai un ano, AI considerouna un lixeiro paso adiante, pero hoxe continúa lonxe das obrigacións internacionais de España e, ata o de agora, non contribuíu de forma decisiva a saldar a débeda pendente coas vítimas que padeceron graves violacións de dereitos humanos.

"É un desenvolvemento regramentario de lentitude exasperante, só a final de ano, a remolque dos acontecementos xudiciais, o Goberno ditou algunhas disposicións para o desenvolvemento e a aplicación do establecido na Lei. E o disposto concéntrase só en medidas simbólicas ou de escaso significado para garantir verdade, xustiza e reparación" asegura Estévez.
No que respecta á compatibilidade da Lei coas accións xudiciais, o panorama é aínda máis crítico, pola incerteza e conseguinte aprazamento para os dereitos das vítimas como resultado das actuacións do Ministerio Fiscal e a decisión do Pleno da Sala do Penal da Audiencia Nacional o pasado 2 de decembro de 2008. Os últimos superviventes e as familias, para quen o tempo xoga en contra, continúan se atopar satisfacción nin recursos efectivos.

Ademais, a Lei foi utilizada, polo Ministerio Fiscal e outras autoridades, como argumento para opoñerse á obriga do Estado de investigar en sede xudicial os crimes do pasado e de recoñecer os dereitos das vítimas segundo as normas internacionais.

Petición á Xunta
En novembro, a Consellería de Cultura anunciou un acordo para a exhumación de foxas en Galicia co Instituto de Medicina Legal de Galicia (Imelga), que se ocupará dos estudios antropolóxico-forenses, e o Instituto de Medicina Legal (Imlus) da USC. Segundo o convenio da Consellería coa Universidade de Santiago, a apertura de foxas farase a petición dos descendentes das víctimas ou de entidades que os representen, e será coordinada pola Consellería. "En xaneiro pediremos unha entrevista coa Consellería porque as exhumacións deben facerse nun contexto xudicial e respetar as normas internacionais ao respecto", declarou Alberto Estévez, voceiro de AI en Galicia.

Valoración de Amnistía Internacional sobre o recoñecemento dos dereitos á verdade, á xustiza e á reparación que teñen todas as vítimas e a súa aplicación en España

Dereito á verdade
O que marcan as normas internacionais
· As vítimas e as súas familias teñen o dereito imprescritible a coñecer a verdade. Os Estados deben adoptar as medidas adecuadas para facer efectivo este dereito incluídas as necesarias para garantir o funcionamento independente e eficaz do poder xudicial, para facer efectivo o dereito a saber. Os Estados poden incluír mecanismos que complementen a función do poder xudicial para contribuír a esclarecer a verdade e impedir a desaparición de probas.
O que se fixo en España durante o 2008

· Persistiuse en trasladar ás asociacións, familias a vítimas tarefas propias do Estado, e asignáronse subvencións para funcións que son impropias de ser levadas a cabo por particulares como as exhumacións e, no seu caso, a identificación das persoas vítimas de desaparición forzada durante a Guerra Civil ou durante a represión política posterior.
· Non se proporcionou a información necesaria ao Grupo de Traballo de Nacións Unidas sobre Desaparicións Forzadas ou Involuntarias respecto da investigación sobre os casos remitidos a este organismo internacional.

Dereito á xustiza
O que marcan as normas internacionais
· Toda vítima dunha violación manifesta das normas internacionais de dereitos humanos ou dunha violación grave do dereito internacional humanitario ten dereito a un recurso xudicial efectivo

O que fixo España durante 2008
· O Ministerio Fiscal opúxose ao exercicio da función xurisdiccional alegando prescrición e a aplicación da Lei de Amnistía de 1977 aos crimes denunciados ante a Audiencia Nacional. Isto é incompatible coas obrigacións internacionais do Estado español. Pola súa parte, o Pleno da Sala do Penal da Audiencia nacional, co seu auto do 2 de decembro de 2008, en lugar de protexer os dereitos das vítimas, prolonga a súa peregrinaxe incerta na busca de verdade, xustiza e reparación pola súa conta a través dos xulgados territoriais.

Dereito á Reparación
O que marcan as normas internacionais
· As vítimas de violacións manifestas das normas internacionais de dereitos humanos e de violacións graves do dereito internacional humanitario teñen dereito a interpoñer recursos e obter reparacións. A reparación ten que ser proporcional á gravidade das violacións e ao dano sufrido e os Estados deben procurar establecer programas nacionais de reparación e outra asistencia ás vítimas cando o responsable dos danos sufridos non poida ou non queira cumprir coas súas obrigacións.
O que fixo España durante 2008

· As disposicións adoptadas polas autoridades españolas nas últimas semanas limitáronse a aquelas de escaso significado, como a declaración de reparación e recoñecemento persoal para as vítimas.
· No límite da data prevista pola Disposición adicional Sétima da Lei iniciouse o desenvolvemento de normas sobre o dereito de opción á nacionalidade española. Igualmente, ditáronse disposicións relativas á concesión da nacionalidade aos voluntarios integrantes das Brigadas internacionais, colectivo con xa moi poucos superviventes e de idades moi avanzadas.
· No que respecta ás indemnizacións, reguláronse ás condicións a favor de persoas falecidas ou con lesións que ocasionan discapacidade polas súas actividades en defensa da democracia (do 1 de xaneiro de 1968 ao 6 de outubro de 1977).

· O 15 de decembro, o Consello de Ministros aprobou a creación da Oficina para as Vítimas da Guerra Civil e da Ditadura, para facilitar a información necesaria no exercicio dos seus dereitos ás persoas que o precisen.
Recomendacións de Amnistía Internacional ás Autoridades Españolas

Sobre o dereito á verdade:
· Proporcionar resposta con información substantiva ao Grupo de Traballo de Nacións Unidas sobre Desaparicións forzadas e involuntarias, sen máis dilación.
· Cumprir as recomendacións do Comité de Dereitos Humanos de Nacións Unidas de outubro de 2008, que inclúe: "prever a creación dunha comisión de expertos independentes encargada de restablecer a verdade histórica sobre as violacións dos dereitos humanos cometidas durante a guerra civil e a ditadura".

Sobre o dereito á xustiza
· Garantir os dereitos das vítimas á xustiza e a contar con recursos efectivos e idóneos. Na elaboración dun protocolo de actuación científica e multidisciplinar que asegure a colaboración institucional e unha adecuada intervención nas exhumacións deberase garantir a súa compatibilidade coa obriga de investigar xudicialmente respecto de feitos constitutivos de crimes internacionais.

· Non opoñer, ante denuncias en sede xudicial, mecanismos de impunidade incompatibles co dereito internacional, e eliminar da lexislación española as disposicións sobre amnistía cuxa aplicación puidera pretenderse para impedir a obriga de investigar crimes contra a humanidade.
Sobre o dereito á reparación:
· Adoptar as medidas necesarias para que as vítimas de graves abusos contra os dereitos humanos poidan exercer o seu dereito á reparación de forma compatible coas normas internacionais.

Información xeral
O 26 de decembro de 2007 foi adoptada a "Lei pola que se recoñecen e amplían dereitos e se establecen medidas a favor de quen padeceron persecución ou violencia durante a guerra civil e a ditadura". A Disposición final primeira habilitou ao Goberno e aos seus membros para ditar cantas disposicións fosen necesarias para o desenvolvemento e aplicación do establecido na lei. A Disposición Adicional Segunda estableceu que as previsións contidas na mencionada Lei son "compatibles co exercicio das accións e o acceso aos procedementos xudiciais ordinarios e extraordinarios establecidos nas leis ou nos tratados e convenios internacionais subscritos por España".
A finais de outubro de 2008, o Comité de Dereitos Humanos de Nacións Unidas recordou ás autoridades españolas que os delitos de lesa humanidade son imprescritibles e sinalou que as amnistías relativas ás violacións graves dos dereitos humanos son incompatibles co Pacto Internacional de Dereitos Civís e Políticos. O Comité, aínda que tomou nota con satisfacción das garantías dadas por España no sentido de que a chamada Lei de "Memoria Histórica" prevé que se esclareza a sorte que correron os desaparecidos, observa con preocupación as informacións sobre os obstáculos con que tropezaron as familias nas súas xestións xudiciais e administrativas para obter a exhumación dos restos e a identificación das persoas desaparecidas.

Amnistía Internacional Galicia - Equipo de Medios de Comunicación
Alberto Estévez Telf. 647 084 640
Documentos e comunicados de prensa www.es.amnesty.org

jueves, 18 de diciembre de 2008

Conferencia O Jofre na historia do teatro galego

A conferencia que terá lugar o vindeiro xoves 18 de decembro de 2008 ás 20 horas na Biblioteca Pública Municipal Central de Ferrol, en Praza de España, 2.
Impartidan a conferencia Laura Tato Fontaíña, profesora de Filosofía e Humanidades da UC

Fundación Carlos Casares
Rúa Elduayen, 36 - 2º
36202 VIGO
Tel.: 986.225.785
www.fundacioncarloscasares.org

¿ONDE VAS PASAR O NADAL?

Máis de 300 persoas en Vigo o pasarán na rúa...

A Rede Social Galicia Sur convoca un acto de rúa para
sensibilizar á cidadanía viguesa ante a
situación de máis de 300 persoas persoas que viven sen
teito e que pasarán un inverno máis na rúa.

Coa proximidade das festas do nadal a Rede Social Galicia Sur
(plataforma que aglutina a mais de 20 organizacións de Vigo e
comarca que traballan tanto nos países do Sur como en Galicia
pola xustiza social e por acadar un mundo máis xusto,
equitativo e sostible para toda a cidadanía) quere chamar a
atención unha vez máis sobre a situación de
moitas persoas en Vigo que pasarán o inverno, un inverno
máis, na rúa.

Por iso a Rede Social Galicia Sur convoca o vindeiro xoves 18 de
decembro entre as 18:30 e 20:30 horas un acto de rúa,
consistente na
sensibilización á cidadanía
mediante o reparto dunha postal e un chocolate quente na Praza do
Emigrante (ao comezo da Avda. de Castelao, na Praza de
América) para chamar a atención e provocar a
reflexión da cidadanía viguesa fronte os seguintes
feitos:
- En Vigo hai preto de 300 persoas que están na rúa,
que teñen dificultades para acceder ao dereito dunha vivenda
digna e adecuada como primeiro paso para tecer vínculos e
redes sociais positivas e camiñar na recuperación da
identidade e dignidade persoal

- Os poucos recursos que existen na nosa cidade para atender a este
colectivo son de carácter privado e non alcanzan a atender
á demanda existente e non hai recursos públicos que
dean resposta as necesidades reais e urxentes deste colectivo na
cidade de Vigo

Por isto esiximos:
*o cumprimento nos prazos indicados pola Vicepresidencia de Xunta
sobre a
posta en marcha dun Centro de Emerxencia social e Albergue
público en Vigo, que poida prestar servizos que cobran as
necesidades tanto de teito e subsistencia como de acollida e
creación dun espazo de participación das persoas sen
fogar na sociedade e na vida comunitaria, co apoio dos distintos
axentes sociais, para traballar a reconstrución
psicosocial, a autonomía persoal e a adquisición de
hábitos sociais.
*dar resposta a necesidade das persoas que viven na rúa
habilitando un espazo para pernoctar, mentres o citado centro non
estea en marcha, que as protexa do frío e das inclemencias
meteorolóxicas do inverno.
Por un Albergue e Centro de emerxencia social público para
Vigo XA!

http://es.groups.yahoo.com/group/redesocialgaliciasur
As organizacións que formamos parte da Rede Social
Galicia Sur e que apoiamos esta acción somos:

Amarante, Aida, Axuda en Acción, Cáritas Diocesana de
Tui-Vigo,
Comité Oscar Romero, Dar Máis,
Educación Sen fronteiras, Emaús Fundación
Social, Entreculturas, Enxeñería sen fronteiras,
Fundación Balms, Fundación Proclade, Fundación
Secretariado Xitano, Grupo VIH/SIDA e adiccións ?O
Imán?- Sereos, Implicad@s no desenvolvemento,
Intermón Oxfam, Médicos do Mundo, MunDos Cooperativa
de Comercio Xusto, Seminario Galego de Educación para a Paz,
Solidariedade Internacional, Solidarios para o desenvolvemento,
Taller de Solidariedade e Verdegaia.
-- Verdegaia Vigo www.verdegaia.org