jueves, 30 de septiembre de 2010

A fotografía, protagonista no MARCO

Durante os próximos meses, o curso sobre historia da fotografía correrá en paralelo á exposición de Virxilio Vieitez

Virxilio Vieitez

Fermín cos seus fillos
ca. 1955
Fotografía en b/n
Cortesía do autor
Nestas semanas continúa aberta a matrícula para o curso sobre historia da fotografía que comezará o 6 de outubro no MARCO. O curso ‘A FOTOGRAFÍA. Historia doutra mirada’ —impartido por Ana Pereira Molares, coa colaboración doutros relatores nalgunhas das sesións— realiza un percorrido pola historia do xénero fotográfico, dende o seu nacemento ata as últimas tendencias.

Precisamente este curso, que terá lugar todos os mércores ata finais de maio, discorrerá en paralelo á exposición do fotógrafo VIRXILIO VIEITEZ, que será inaugurada nas salas da planta baixa o 22 de outubro. Entre as actividades do curso inclúese unha sesión dedicada á obra de Vieitez e á análise das obras presentes en salas.

En virtude do convenio asinado coa Fundación MARCO, a Universidade de Vigo confirmou o recoñecemento de créditos de libre elección para os cursos impartidos no MARCO nesta tempada. Polo tanto, a realización deste curso supón o recoñecemento de 2 CRÉDITOS DE LIBRE ELECCIÓN para alumnado da Universidade de Vigo, que ademais se beneficiará dun desconto do 20% no prezo de matrícula.


  • CURSO - ‘A FOTOGRAFÍA. Historia doutra mirada’
  • Organiza: MARCO, Museo de Arte Contemporánea de Vigo
  • Docente: Ana Pereira Molares, coa participación de poñentes externos nalgunhas das sesións
  • Datas: do 6 de outubro de 2010 ao 25 de maio de 2011
  • Lugar: salón de actos
  • Horario: mércores, de 18.00 a 19.15
  • Se desexa recibir máis información, diríxase a:
  • MARCO, Museo de Arte Contemporánea de Vigo
  • Departamento de Comunicación (Marta Viana ou Pilar Souto)
  • R/ Príncipe nº 54
  • 36202 Vigo
  • Tel. +34 986 11 39 08 /11 39 03 / 11 39 00

www.marcovigo.com 

No hay comentarios: