Recorrida a inadmisión a trámite da petición dunha Renda Básica

“Inadmitidas”. Ante a resposta da Xunta á esixencia dunha renda básica para garantir uns mínimos cos que vivir dignamente a ODS-Coia e a parroquia do Cristo da Victoria seguen co camiño da denuncia pública. O fixeron o 20 de setembro cunha concentración e cun acto de entrega colectiva no edificio da Xunta de Galicia en Vigo.

Medio centenar de persoas con carteis rotulados coa palabra “inadmitidas” acudiron á chamada da ODS-Coia e da parroquia do Cristo da Victoria para amosar claramente que non aceptamos a inadmisión a trámite da petición dunha renda básica. A súa falla total de sensibilidade queda de manifesto xa que nin sequera contemplan a necesidade de reflexionar sobre o xusto e transformador da nosa petición. Hoxe ademais o amosaron coa actuación da policía e da seguridade privada; xa que esta mañá volveron a poñer moitos atrancos para facer a entrega colectiva limitando o acceso ao rexistro.

Os recursos quedaron entregados logo de ler o manifesto diante do edificio administrativo. Edificio que o venres 20 estivo por un rato cheo dalgunhas desas persoas ás que a Xunta e o resto de poderes queren negar os mínimos para a vida.

Fonte e máis info: http://odscoia.arkipelagos.net/content/recorremos-inadmision

21 setembro: II Xornadas Feministas en XUNTAS

21 setembro: II Xornadas Feministas en XUNTAS. 

18.00 h.: Proxección – Visión do trato á muller en diferentes sociedades (Israel, Turquía, Xapón, Occidente,…).


19.30 h.: Debate feminista.

Ciclo de documentais: A corporación: Institucións ou psicópatas?

En setembro, en XUNTAS CSOA, ciclo de documentais “A corporación: Institucións ou psicópatas?"

Documental canadense en tres capítulos que analiza a orixe, comportamento e poder de influenza das corporacións. O único obxectivo das mesmas é o de enriquecer aos seus accionistas a calquera prezo.
As corporacións son antisociais, egoístas, inmorais, crueis e dañías. Destrúen límites morais e legais para conseguir os seus obxectivos e non sofren en absoluto de sentimento de culpa nin poden responder coas cualidades humanas de empatía, coidados, preocupación ou altruísmo.

10 agosto: Xornadas Feministas en XUNTAS

10 agosto: Xornadas Feministas en XUNTAS.

18.00 h.: Proxección do documental “Indomables. Una historia de mujeres libres”.

19.00 h.: Debate feminista.

Farase en Vigo o Encontro Europeo de Prácticas Cooperativas Cidadás

Os próximos 8 e 9 de xuño farase en Vigo o I Encontro Europeo de Prácticas Cooperativas Cidadás. Se pertences á cidadanía viguesa, da Galiza, estatal ou europeia, este é o teu encontro: queremos crear rede!. Chámase Cooperland e este é o primeiro paso. Podes vir como persoa individual a compartir ou como alguén dun colectivo, como prefiras. Se tes inquedanzas sobre os nosos bens comúns, sobre como creamos as comunidades e como se regulan ou sobre que nos arrodea cando o facemos, non o dubides. Tamén trataremos simultáneamente motivacións temáticas, nos obradoiros sobre comúns dixitais, económicos, urbanos e naturais. 

Ven xente moi interesante de moitas partes de Europa: potencias interesantes coas que aprender xuntas! Tamén podedes presentar o voso proxecto na ágora de Cooperland, o Pechakucha. Ven facer o teu ou a escoitar!

Se tes aportacións, suxerencias ou dúbidas, escríbenos a contacto@cooperland.org.

Non olvides inscribirte aquí, así facilítanos as tareas de organización a nós.

Os próximos 8 e 9 de xuño vémonos no antigo reitorado de Vigo para ¡xantar pro-común!

Graciñas e a difundir, se gostades!

O Equipo Cooperland.

P.S.: adxuntamos a invitación en castelán pero pronto teremos todo en galego. Disculpade!

www.cooperland.org

Ou escríbenos a contacto@cooperland.org

A Plataforma pola Proteccción da serra do Galiñeiro convoca á manifestación deste domingo, 2 de xuño

Comunicado:

Camiñantes en defensa da Serra do Galiñeiro
@eduardogparada

A Plataforma pola Proteccción da serra do Galiñeiro convoca á manifestación deste domingo, 2 de xuño, en Santiago de Compostela xunto con outras plataformas e asociacións de toda Galicia integradas na rede contraMINAcción CONTRA A MINEIRÍA A CEO ABERTO.

Consideramos que máis alá da extracción de materias primas para o necesario consumo, esta febre mineira extendida por toda Galicia responde a un trasvase de fondos de inversións especulativos cara a inversións consideradas refuxio ante a parálise da economía mundial. Non hai moito tempo que similar proceso económico-especulativo produciu en Galicia a burbulla do ladrillo e a implantacion extensiva de parques eólicos. A extración e mercado do ouro é netamente especulativo, pois todo o que xa temos extraído sería máis que suficiente para as necesidades mundiais polo que resta de vida á humanidade. Sobre outros minerais e Terras Raras, ainda que necesarios polos seus usos en alta tecnoloxía, estanse a dar procesos fortemente especulativos inducindo unha extracción desaforada.

Estas explotacións corren a cargo de empresas transnacionais, das que o capital non se sabe de onde procede nin a onde revirte. Elas poñen as condicións e impoñen a normativa aos países empobrecidos, convertindo aos cidadáns en escravos da economía. A condición de “de utilidade pública” conferida polos nosos gobernantes a estes usos do territorio leva á destrución da economía produtiva: explotacións gandeiras, agrícolas, silvícolas .... desparacen do tecido económico galego. Isto só pode ser entendido dende unha posición dos gobernos como reféns deste sistema económico.

O lugar de vida de toda a poboación, o desenvolvemento social e o entretecido socioeconómico das áreas limítrofes a estas explotacións non son consideradas no cómputo económico polos nosos gobernantes, eles só anotan os postos de traballo (precarios) que crea a mina e non contabilizan todos os que desaparecen con cada unha delas, nin o valor do destruído. Tamén ocultan que os beneficios económicos destas explotación duran como moito unha década e a destrución que infrinxen no lugar é practicamente irreversible e infinita no tempo.

No caso da serra do Galiñeiro, a mineiría de Terras Raras é tan altamente contaminante que a única mina deste tipo da que coñecemos a súa explotación, situada en California (Mountain Pass) foi cerrada no ano 2007 pola contaminación radiactiva producida nas aguas en 25 quilómetros á redonda. As explotacións que actualmente existen están na Mongolia China, das que debido ao seu sistema político nada da súa problemática transcende á opinión pública.

A mineiría a ceo aberto supón unha agresión social e ambiental tan forte que está prohibida en moitos países de Europa, así como a utilización do cianuro que agora queren utilizar en Corcoesto para a extracción do ouro.

Outro dos graves problemas desta mineiría é o elevado consumo de agua na seu procesado, algo moi a ter en conta no momento actual, no que este recurso é o máis precioso e preciado de todos, debido á gran poboación mundial existente e ao cambio climático que estamos a sufrir. Ademaís a auga utilizada neste tipo de minas resulta totalmente contaminada e queda inservible para calquera outro uso. En calquera caso, a minaría a ceo aberto supón a extracción de materias do subsolo facendodesaparecer grandes zonas do territorio e producindo altos graos de contaminación nas terras da contorna o que supón en última instancia a perda da condición que o territorio ten de garante de alimentación dos pobos.

De seguir esta senda de absurdo desenvolvemento económico só lograremos trocar o territorio como lugar de vida e fonte de alimentación, con toda a súa biodiversidade, por enfermidade e miseria para a gran maioría das persoas. Estannos a propor alegremente... traballo... traballo de enterradores... cavando a tumba dos nosos soños, dos nosos fillos, do noso pais e a nosa propia. E os que propoñen e deciden tal negocio son as mesmas elites económicas e políticas que meteron o pais na crise do ladrillo, co mesmo dogma económico, coa mesma irresponsabilidade, cegados neste caso polo cobizoso relumbrar do metal. Pero por moito que se empeñen, por moito que o repitan, a megaminería non é solución a ningún dos problemas actuais que sofre este ou calquera outro pobo.

Para máis información: serradogalinheiro@gmail.com

O noso enderezo web: http://www.serradogalinheiro.org