jueves, 19 de abril de 2012

Últimas 3 funcións de MALEZA en Teatro Ensalle (Vigo)


A compañía Teatro Ensalle está vinculada á sala alternativa homónima, este é un feito que dótaa de certa perspectiva en canto a narrativas escénicas emerxentes, tanto en danza como en teatro.

Esta observación das distintas liñas que se están a levar a cabo, así como o feito de poder compartir inquetudes con profesionais de distintos ámbitos culturais, lévalles a elaborar novas linguaxes escénicas e a investigar sobre as posibilidades destes no que a comunicación co público refírese.

Unha das preocupacións máis observadas nos creadores contemporáneos é a formal, existe a posibilidade de que xa se fixo todo?, obviamente non, son moitos os movementos artísticos que, aínda existindo en expresións artísticas como a pintura ou a escultura, non tiveron reflexo nos escenarios ata principios deste século.

Desde o punto de vista do contido, as temáticas tamén preocupan aos autores contemporáneos, non é tan só como contar, senón que contar, nunha sociedade que se protexe cada día máis, que se illa e reforza as barreiras por medio, en parte, da tecnoloxía, é difícil saber que lle preocupa verdadeiramente á xente. Desde distintos foros artísticos apúntase á necesidade de que os autores asuman riscos, de que as súas temáticas sexan máis persoais, mais espidas de ficción.

MALEZA
Teatro Ensalle Rua Chile, 15, Vigo 986 485 609
Venres á(s) 22:00 - Domingo á(s) 21:00

Ficha Artística:
Eva Alfonso, Artús Rei, Raquel Hernández e Jorge Rúa. Dirección, dramaturxia, iluminación e espazo escénico: Pedro Fresneda. Apoio coreográfico: Carmen Werner. Apoio iluminación: Antón Ferreiro Espazo escénico: Teatro Ensalle Distribución: Lilli Zecchin Fotos: Bieito Rei Web: David Santos É unha produción de Teatro Ensalle S.L.L.

No hay comentarios: