Hoxe toca Masa Crítica en Vigo

Fonte da imaxe

Este venres VOLVEMOS A LA CARGA coa edición do mes de ABRIL da MC de Vigo.

Estades todos MÁIS QUE INVITADOS, nenos e maiores tedes un espacio que reclamar e uns DEREITOS polos que LOITAR.

Así que nada XA SABEDES 20h na entrada do IES Santa Irene ou 20:30 h na Porta do Sol, como mellor che veña perso SEMPRE SOBRE A TÚA BICICLETA E CON
GANAS DE PASALO XENIAL..... porque a fin de contas recordade que o que conta e USAR A BICI TÓDOLOS DÍAS E REUNIRNOS PARA CELEBRALO UNHA VEZ Ó MES.

Así que GRITA e DIFUNDE a túa diferencia.... SÉ LIBRE, SÍNTETE VOAR, vente a MC.

IV Andaina pola protección da serra do Galiñeiro

SAIDA: Parque forestal de Zamáns ás 10:30 h.

CHEGADA: Parque forestal de Zamáns as 14:00 h.

Zona de aparcamento: Parque forestal de Zamáns.

O percorrido pasa polos sitios onde se ubicarán alomenos 6 xeradores eólicos e pola área onde se prevé realizar as catas de prospeccións mineiras de terras raras.

A RUTA: Cun percorrido de 10 km. (3 e media / 4 horas) disfrutaremos das terras de Zamáns e Herville.

Ao remate, lectura do manifesto, poesía e música:

• Rexina Vega, Paco Barreiro, Manolo Pipas, Leo i arremecághona e Os Carunchos.
• E para os pequenos: O Mago Marco.

E tamén:

• Faremos un xantar popular coa comida que traia cada un.
• Tamén haberá bocatas, empanadas e viandas variadas para quen queira comprar alí.

Vos esperamos !!!

Escrache ao Banco Popular en Vigo o 19 de abril

Comunicado PAH Tui-Vigo

Escrache ao Banco Popular en Vigo o 19 de abril as 19hs, esquina dos catro bancos.   

Primeiro pola súa actitude ante as negociacións que varios afectados pertencentes á PAH VigoTui suscitan a esta entidade. Cambiando a cada momento o interlocutor e negandose a recibirnos.

Segundo Porque a BANCA que recibiron todo tipo de axudas, miles e miles de millóns, mentres se empobrece a unha gran parte da poboación

Terceiro Porque a Banca é responsable directo desta crise e NON os "cidadáns Hipotecados" Que se lle induciu,presionou coacionó e fíxose todo o posible para que só accedésese á Vivenda a través do credito.

Os ciudadadnos son victimas dunha estafa e prisoneros dun entramado lexislativo que permite a existencia por exemplo de dous valores dunha casa o que che din que vale cando o compras e polo que o poñen a poxa, pero ademas somos victimas dun contrato Hipotecario cheo de cláusulas avusivas e ilegal como a declarado o Tribunal de Xustiza Europeo .

MANIFESTACIÓN POLA REPUBLICA

A ASEMBLEA REPUBLICANA DE VIGO  CONVOCA  Á MANIFESTACIÓN QUE POLA REPUBLICA  TERÁ LUGAR ESTE DOMINGO 14 DE ABRIL E QUE SAIRA ÁS 12.30 DESDE A FAROLA DE URZAIZ  PARA REMATAR NA RÚA DA II REPÚBLICA

¡¡¡¡ABAIXO A MONARQUÍA¡¡¡¡

¡¡¡¡VIVA A REPÚBLICA¡¡¡¡

Día Mundial da bicicleta – Marcha 13 Abril

Día Mundial da bicicleta – Marcha 13 Abril

O 19 de Abril celébrase o día mundial da bicicleta, efeméride que administracións, asociacións e os propios ciclousuarios aproveitan para recordar as vantaxes inherentes á utilización deste medio de transporte.

A facilidade coa que se manexa e o seu baixo custo fan dela o medio de transporte democrático por excelencia, estimándose que sómente 10% da poboación non podería empregala por condicionantes físicos ou económicos.

A bici encádrase á perfección no modelo de cidade moderna orientada cara as persoas e a súa calidade de vida. Devolver a cidade aos cidadáns supón necesariamente un cambio na ordenación da mobilidade e a bici preséntase como a alternativa máis eficiente e respectuosa co entorno ambiental e social.

Deste modo aproveitamos para convidar a todas aquelas persoas que acreditan no potencial da bicicleta para transformar as cidades en lugares máis agradábeis a participar nas Masas Críticas, que se celebrarán o sábado día 13 de abril nas principais cidades galegas:

A Coruña: praza María Pita – 18:00

Compostela: praza Roxa – 18:00

Vigo: praza América – 17:00

"Aprendendo a defender os nosos dereitos fronte ás grandes empresas da enerxía"

 Charla: "Aprendendo a defender os nosos dereitos fronte ás grandes empresas da enerxía" e campaña "Apaga e ímonos" (grupo axitacion social) ODS de Coia inicia unha campaña contra os abusos das empresas eléctricas e en concreto os de Gas Natural Fenosa, cunha charla e outras actividades:

Precisamos da luz para vivir, o que choca cos atrancos que compañías
coma FENOSA nos poñen: subida de prezos, facturación abusiva, cortes,
non negocian as débedas, desinformación...

Por todo isto a ODS-Coia e Parroquia do Cristo da Victoria decidimos orfanizar unha charla baixo o título: "Aprendendo a defender os nosos dereitos fronte ás grandes empresas da enerxía". Nela contaremos coa presenza de Rafael de Montis, experto en enerxía, que nos axudará a coñecer un pouco máis este mundo.

Se queres saber que che cobran na factura da luz, como solicitar o bono social, como defenderte dos seus abusos, alternativas máis xustas e económicas no subministración NON DUBIDES EN VIR!

A charla será o venres 5 abril ás 19h30 nos locais da parroquia do "Cristo da Victoria" (rúa Baiona 9, Coia - Vigo)

Aproveitaremos o encontro para presentar o modelo de reclamación a
FENOSA que elaboramos coa idea de desenvolver unha campaña masiva de
presentacións de queixas en contra dos abusos que sufrimos nun aspecto
tan básico e necesario como é a electricidade. Tedes o modelo de
reclamación para descargar neste enlace: odscoia.arkipelagos.net/sites/odscoia.arkipelagos.net/files/reclamacion_fenosa_gal.pdf

Achegamos o texto da campaña de denuncia ante os abusos das compañías
de enerxía, neste caso facendo incapé nos sufridos por parte de GAS
NATURAL FENOSA:

GAS PENOSA di: se non tes castos APAGA E VÁMONOS

Estánnolo a pór moi negro. O poder cada día precisa máis espazo para
os seus negocios e nese avance leva por diante conquistas sociais
acadadas tras moitos anos de loita: emprego estable, protección social,
sanidade, educación...


Cousas tan básicas como acceder a un teito, levar unha alimentación
variada e saudable, dispor de auga corrente..., é dicir, elementos
cotiáns e necesarios para vivir cun mínimo de dignidade están a ser
sometidos á lóxica depredadora da especulación dos mercados de capitais,
encarecéndose de día en día.

A insuficiencia de recursos fai que nos sintamos rodeados pola
escuridade, unha escuridade da que se lucran os mesmos de sempre. Pero
cando falamos de falla de luz non estamos a usar ningunha figura
retórica, senón que estamos a describir a crúa realidade de moitas
familias e persoas que sofren:

- As dificultades para pagar con regularidade os recibos da luz, que
en moitos casos non se corresponden co consumo real ao non ter as
empresas adxudicatarias a obriga de ler o contador todos os meses para
emitir as facturas.

- Os atrancos que compañías coma FENOSA poñen para negociar o
pagamento das débedas, en casos nos que por exemplo os ingresos veñen de
 axudas sociais como a RISGA, de Pensións Non Contributivas ou de
subsidios por desemprego, é dicir, casos nos que teñen que vivir con
menos de 500? ao mes e pagar recibos que ás veces supoñen unha cuarta
parte dos seus ingresos.

- A violencia dun corte de luz e os atrancos para volver a ter
subministración. Para volver a ter luz tes que pagar o enganche e a
débeda contraída con apenas marxe para alongar os prazos de pagamento.

- A imposibilidade de manter os seus fogares na temperatura mínima
axeitada, as limitacións a que se chega mesmo para atender á hixiene
máis elemental ou ata para quentar a comida.

E todo isto coa 3ª electricidade máis cara de Europa, cunha subida do
 prezo da electricidade dende 2006 do 70% e cuns beneficios en 2012 para
 GAS NATURAL FENOSA, a empresa con maior cota de mercado en Galiza, de
1441 millóns de euros. Ás prácticas desta transnacional que coñecemos
nos nosos barrios, temos que engadir o saqueo de recursos naturais en
países de Latinoamérica, as violacións de dereitos humanos, os problemas
 de subministración que padecen amplas poboacións, etc.

Por todo isto esiximos:


- Que a subministración eléctrica sexa recoñecida como un dereito
básico para garantir unha vida digna e que, por conseguinte, estea en
mans da poboación e non privatizada en beneficio dos grandes capitais.

- Que non se corte a subministración naqueles fogares que non poidan asumir os pagamentos por falla de recursos.

- Que se apliquen tarifas xustas e de acordo aos ingresos do fogar.

Coia, marzo 2013 Oficina Dereitos Sociais Parroquia Cristo da Victoria

CONCENTRACION DE REPULSA POLO ASASINATO POR VIOLENCIA MACHISTA DE ELENA DUMITRO

A COORDENADORA COMARCAL DE VIGO DA MARCHA MUNDIAL DAS MULLERES CONVOCA CONCENTRACION DE REPULSA POLO ASASINATO POR VIOLENCIA MACHISTA DE ELENA DUMITRO.

A nosa veciña, Elena Dumitro, foi asasinada polo seu compañeiro na rúa da Milagrosa da cidade de Lugo.

Que a indignación de toda a sociedade saia á rúa para rexeitar o cruel asasinato de Elena, de quen os medios non dín nin o nome, e denunciar a violencia machista padecida polas mulleres e exercida contra elas polo simple feito de selo!!.

MARTES 2 DE ABRIL ÁS 20H. NO MARCO - VIGO

-- 
Coordenadora Nacional Galega
Marcha Mundial das Mulleres

http://www.feminismo.info