Obradoiro de horta en finca ecolóxica en Redondela

Trala xornada de traballo na horta urbana de Ourense, Amigos da Terra convídache a un segundo obradoiro práctico, desta vez na finca ecolóxica "Horta do Cadaval", en Redondela. Os labregos  Jacobo Ojea e Belén Fervenza, ábrennos a súa horta para compartir os seus coñecementos e ensinarnos a cultivar os nosos propios alimentos.  Se asistiches ao II curso de horto ecolóxico, poderás poñer en práctica todo o aprendido e, se non, esta será unha oportunidade inmellorable para iniciarte na agricultura ecolóxica. Ademais, as actividades previstas capacitarannos para participar no proxecto de horta comunitaria que estamos a artellar en Vigo e que iniciaremos proximamente. Aactividade é gratuita e aberta a calquera persoa interesada. Apúntate xa! Data e hora: sábado 1 de xuño (ás 10:00 horas) Lugar: Reboreda, Redondela  Máis información:  cooperacion@amigosdaterra.net

Magosto na Horta do Barrio do Cura

Este sábado 27 de outubro ás 17:00, magosto na Horta do Barrio do Cura (Berbés) Vigo. Castañas, viño, gaiterada e máis.

A horta colectiva urbana do Barrio do Cura en Vigo non ten nin un ano de historia pero a súa produtividade xa é unha realidade.

A horta colectiva urbana do Barrio do Cura en Vigo non ten nin un ano de historia pero a súa  produtividade xa é unha realidade. 

Desde hai aproximadamente un mes, os produtos desta horta e hortas amigas exponse en A Cova dos Ratos unha vez por semana, desta maneira quenes estean interesados poden levar a casa os produtos a prezo xusto de 1€ o quilo. 

Xa que unha das razóns desta iniciativa agrícola urbana é xerar unha economía social diferenciada da economía monetarista onde o diñeiro é privado (propiedade da banca privada) e non do conxunto da sociedade. Os produtos desta horta poden ser intercambiados por diferentes moedas sociais como os Fíos (Moeda dalgúns dos centros sociais de Vigo) ou as horas do Banco de tempo 15m Vigo, o colectivo está aberto á recepción doutras moedas sociais e todo tipo de intercambio.

Por tanto todos os venres a partires das 20hs durante outubro e das 19 a partires de novembro  os produtos estarán expostos en A Cova dos Ratos. Rúa Romil, 3 Vigo.

As hortas colectivas urbanas

horta colectiva no Barrio do Cura (Vigo) 

As hortas colectivas urbanas multiplicáronse nos últimos anos en moitas cidades do mundo e seguramente veremos moitas máis nun futuro próximo, son varias as razóns para promocionalas e realizalas.

Entre elas recuperar as relacións veciñais, sanear o medio-ambiente urbano e por que non obter alimentos, non se me ocorre neste momento ningún punto negativo que poida argumentarse para que os habitantes das cidades non as realicemos.

A Asociación Galega de Horticultura Urbana, pretende ser un nucleo de encontro entre persoas e colectivos para o intercambio de experiencias, productos e coñecementos sobre a Horticultura Urbana, así como o acercamento social entre elas, podes informarte máis no seu sitio web hortaurbana.info

Fotos da horta colectiva no Barrio do Cura (Vigo)