martes, 3 de abril de 2012

Músicos rueiros en Vigo, "La Cuerda Fija"


Músicos rueiros en Vigo, "La Cuerda Fija"

Decidido a recuperar o costume de porme a cámara ao pescozo e saír a dar unha volta pola cidade, pouco despois do sete da tarde cando o sol comeza a fuxir velozmente pero aínda permite non forzar o sensor,  baixei a dar unha volta polo Calvario, barrio de traballadores na cidade de Vigo.

As actividades comerciais e culturais deste barrio céntranse no paseo de Urzaiz, onde atopei a Juan Campoamor e David, integrantes de  "La Cuerda Fija" . Juan (Cubano) e David (Chileno) non quedan sentados esperando o gran contrato, que se esperan,  pero mentres os grandes contratos fanse esperar tocan en pequenas salas e gravan as súas propias cancións que pon libremente a disposición do público en Internet.

E como non, tocan na rúa, segundo palabras de Juan "A mellor sala de ensaios posible, podes medir o efecto do teu traballo co máis real dos públicos e páganche" 


Juan coincide con outros artistas cos que falei en que a música rueira é un traballo vocacional, menos rendible que hai algúns anos pero tamén as salas pagan menos que antes ou pretenden non pagar, por tanto o espazo público moitas veces resulta unha forma máis digna de traballar que nos bares de copas.

A foto da moza que mira a recadación e non aos músicos, mostra unha realidade, pero por sorte hai outras.












No hay comentarios: