Começa greve indefinida no metal do sul da Galiza, com negociaçons em simultáneo

Enquanto os representantes sindicais e os patrons do sector metalúrgico continuam reunidos, hoje começou a greve indefinida que retoma a luita proletária nas ruas de Vigo e do sul da Galiza.

Kaos. Galiza | 11-6-2009

Alguns meios anunciárom um possível acordo sobre a duraçom do convénio pendente de aprovaçom, mas nom sobre os outros dous temas objecto de negociaçom nas instalaçons da Junta da Galiza: os horários e os salários do sector, dentro de umha estratégia operária de combate à precarizaçom do emprego.

Os patrons exigem o fim da pressom na rua para dar novos passos, apesar da suspensom da jornada de luita de ontem, que gerou alguns protestos entre as massas por nom ter sido aprovada polo conjunto dos trabalhadores e das trabalhadoras. Entretanto, a volta do proletariado metalúrgico às ruas hoje pom nervoso o patronato, que mantém posiçons intransigentes.

As ruas do centro de Vigo fôrom ocupadas nesta manhá por milhares de obreiros e obreiras, partindo do estaleiro de Barreras. Registárom-se cortes de tránsito, sem que haja notícias de violência policial como a acontecida na semana passada.

Caso nom se produza um acordo entre as duas partes, prevê-se a adesom à greve de empresas com convénios próprios, incluída a aumobilística PSA Peugeot Citroên de Vigo.

Fuente: www.kaosenlared.net

Milleiros de persoas saen á rúa para apoiar o Metal

Vieiros | Unhas 4.000 persoas xuntáronse na cidade olívica na defensa dun "convenio digno" para o sector. Mentres, patronal e representantes dos traballadores negocian a contrarreloxio.Leer más