1X: POBOS UNIDOS CONTRA A TROIKA!!!
Unha mobilización convocada a nivel internacional cun obxectivo común:
acabar coas políticas de austeridade e recortes aplicadas pola troika.
(Alemaña, Galicia, Portugal, Escocia, Eslovenia, Italia, Greza, Bretaña,
Francia, Inglaterra, Chipre, España, Catalunya e País Vasco) unha serie de
mobilizacións baixo o lema Pobos unidos contra a troika!!! Esta
mobilización ven motivada pola determinación do pobo a facer fronte a un
réxime inxusto, desigual e indigno que, amparado na imposición de
austeridade que chega dende a troika (FMI, BCE e Comisión Europea),
prolonga e lexitima a dominación da minoría que ostenta o poder fronte á
maioría.
En Galicia, a mobilización terá lugar na cidade de Vigo, ás 12:00h., con
saída dende a Praza de España e percorrido ata a Porta do Sol. Esta
mobilización, convocada pola mesma cidadanía, é organizada, no caso de
Vigo, pola Plataforma 1X-Vigo, formada por xente pertencente a diversos
tipos de organizacións.
Nesta cidade teñen lugar, dende o pasado venres 25 de maio, unha serie de
sesións informativas/formativas organizadas baixo o título Ferramentas
para a transformación social. Estas sesións, que pretenden ofrecer un
espazo destinado á construción conxunta de alternativas, tocan temas tan
diversos como a cultura contemporánea, feminismos, obxección fiscal aos
gastos militares, movementos de resistencia ou autoxestión, entre outros.
A coordinadora define os seguintes obxectivos:
- Amosar a repulsa do pobo ante un sistema autodestrutivo.
- Loitar contra a hexemonía do mercado.
- Procurar, de xeito democrático e horizontal, alternativas que leven á
adopción de sistemas:
- baseados na ética, na responsabilidade e na dignidade.
- nos que cada persoa decida e participe de xeito directo.
- nos que se respecten en primeiro lugar os dereitos
humanos.
- nos que a natureza sexa unha riqueza a conservar e non un
negocio a explotar.
No hay comentarios:
Publicar un comentario