Juan Fajardo encabezará a candidatura provincial de Esquerda Unida

No de prensa de EU


Juan Fajardo encabezará a candidatura provincial de EU

A convención provincial de ESQUERDA UNIDA acordou hoxe en Vigo presentar como cabeza de lista para as vindeiras eleccións autonómicas a Juan Fajardo Recouso, actual concelleiro en Vilagarcía de Arousa.

Traballador Informático, actualmente atopase no paro. Acompáñao como número 2 da candidatura a
viguesa Eva Solla, enfermeira e responsable do área de Saúde e Benestar Social en Vigo, traballadora do SERGAS. Dita candidatura deberá ser ratificada polo Consello Político Nacional de Esquerda Unida.

A candidatura aprobada supón unha renovación do 80% respecto das pasadas eleccións, cunha ampla participación da mocidade.

O acto iniciouse cunha asemblea aberta, na que un 50% dos asistentes eran persoas non afiliadas, representativos de diferentes sectores sociais e na que se realizaron aportacións aos documentos programáticos que ESQUERDA UNIDA defenderá no parlamento autonómico.

Na súa intervención, Juan Fajardo, destacou que EU aporta firmeza na construción dunha barreira contra a agresión ó emprego e ós servizos sociais; aporta coherencia entre o que se di e o que se fai; aporta solvencia na alternativa, para combater a resignación.

Chamou a mobilización para unha saída da crise que se faga tendo en conta ás persoas e non os poderes financeiros, chamados mercados.

Un sentir maioritario da Convención foi a aposta pola Convocatoria Social como método de construción e participación dende abaixo.